Uber drejt shpërndarjes pilot të ushqimit pa shofer gjate vitit 2022

Uber Technologies Inc. planifikon të nisë një program pilot të shpërndarjes së ushqimit pa shofer në SHBA vitin e ardhshëm, njoftoi kompania të enjten.

Gjigandi i udhëtimit është në partneritet me Motional Inc., një sipërmarrje e përbashkët autonome e drejtimit midis Hyundai Motor Co. dhe Aptiv Plc., për të testuar dërgesat e Uber në Kaliforni.

Pilot projekti, i cili është përpjekja e parë e Uber në dërgesat pa shofer, do të shpërndahet në Santa Monica për klientët që porosisin nga aplikacioni Uber Eats.

Konkurrenti i Rideshare, Lyft Inc. u bashkua gjithashtu me Motional për të testuar udhëtimet me taksi vetë-drejtues në Las Vegas dhe pret që klientët të jenë në gjendje të përdorin aplikacionin e tij per perdorimin e automjeteve autonome nga viti 2023.

“Konsumatorët dhe partnerët tanë tregtarë presin komoditet, besueshmëri dhe inovacion nga Uber dhe ky bashkëpunim përfaqëson një mundësi të madhe për të përmbushur dhe tejkaluar këto pritshmëri”, pohon Sarfraz Maredia, kreu i Uber për SHBA dhe Kanada.

Vitin e kaluar Uber shiti divizionin e saj të makinave vetë-drejtuese te Aurora Innovation Inc.