AMD, tejkalon Intel-in në vlerën e tregut!
Aksionet e Advanced Micro Devices Inc. u rritën këtë javë, pasi vlera e tregut të kompanisë arriti në 188 miliardë dollarë,
mes optimizmit në rritje të Wall Street për perspektivat afatgjate nga prodhuesi i çipave.
Kapitalizimi aktual i tregut të AMD, është rritur nga më pak se 125 miliardë dollarë në fillim të këtij viti, në 188 miliardë dollarë.
Intel Corp., e cila ra 1% javën e kaluar, aktualisht vlerësohet në 182 miliardë dollarë.
Konsulenca Bernstein parashikon rritje nga AMD, duke thënë se kompania është bërë gjithnjë e më tërheqëse në pesë vitet e fundit.
*Bloomberg chart on AMD & INTEL shares
Kompania ka qenë në një rritje të lartë kohët e fundit, mbështetur nga një raport dhe analiza pozitive në tremujorin e fundit, si dhe nga blerja e Xilinx Inc.
Intel, nga ana tjetër, prej kohësh nuk ka performuar aq mirë sa homologët e saj në sektorin e çipave.
Javën e kaluar, ajo organizoi një prezantim për investitoret, ku detajoi një strategji për rikthim dhe dominimin e industrisë ne një parashikim 4-vjeçar.
Analistët ishin skeptikë, duke parë një sërë pasigurish dhe rreziqesh të lidhura me planin, dhe duke vënë në dukje se do të jetë një proces i shtrenjtë dhe afatgjatë.
