Moderna Inc realizon 12.2 miliardë fitim

Të premten Moderna Inc. Publikoi raportin e saj financiar për vitin që përfundon me 31.12.2021. ajo raportoi se totali i të hyrave të saj ishte 18 miliardë e 471 milionë dollarë që paraqet rritje marramendëse prej 2,200 %.

Kuptohet nuk është për t’u befasuar, kur dihet se Moderna ishte njëra nga kompanitë që kishte marrë autorizimin për të hulumtuar dhe zhvilluar vaksinën kundër covid-19. Që nga koha kur e ka marrë aprovimin për shpërndarje të vaksinës, në vitin 2020, Moderna ka shitur 824 milion doza të vaksinës prej të cilave rreth 807 milion i ka shitur gjatë vitit 2021.

Moderna i ka shitura 332 milion doza të vaksinës qeverisë së ShBA-së, ndërsa qeverive tjera të botës 475 milion doza. Prej këtyre i kishte gjeneruar të hyrat prej 17.7 miliardë dollarë. Kjo do të thotë se shitjet e saj janë rritur për 8,738 herë krahasuar me vitin 2020 kur shuma e parave që Moderna kishte mbledhur nga shitja e vaksinave ishte vetëm 200 milion euro.

Përveç këtyre Moderna i ka siguruar edhe 6,7 miliardë të hyra të shtyra (avance që i ka pranuar nga blerësit) që pritet t’i realizojë gjatë vitit 2022.

Pasqyra e fitimit e Moderna Inc. me datë 31.12

Pavarësisht nivelit të lartë të të hyrave aktuale dhe të ardhmes premtuese, çmimi i aksioneve të Modernës vazhdimisht po bie. Ditën kur e publikoi raportin financiar çmimi i aksionit ishte $151.33 që është për $4.90 më i ulët ose për 3.14%.

Çmimi i aksionit të Moderna Inc. prej fillimit të vitit deri sot